सुदूरपश्चिमकी राज्यमन्त्रीको सरकारी गाडीलाई ट्राफिक जरिवाना

धनगढी — सुदूरपश्चिम प्रदेशकी भौतिक पूर्वाधार विकास राज्यमन्त्री जानकीदेवी कुँवरको सरकारी सवारी साधनलाई ट्राफिक प्रहरीले जरिवाना गरेको छ।

ट्राफिक प्रहरी कार्यालयका अनुसार सवारी नियम उल्लंघन गरेको पाइएपछि तोकिएबमोजिम जरिवाना गरिएको हो। सरकारी नम्बर प्लेट भएकै कारण छुट नदिइएको प्रहरीले जनाएको छ।

सानो घटना भए पनि यसले सार्वजनिक पदाधिकारीका सवारीलाई नियम लाग्छ कि लाग्दैन भन्ने बहस फेरि उठाएको छ।