गण्डकीमा पदयात्रा सिजन सुरु, बुकिङ बढे पनि पहुँचमार्ग चुनौती

पोखरा — शरद पदयात्रा सिजन सुरु भएसँगै अन्नपूर्ण क्षेत्रका होटल र लजमा बुकिङ बढेको छ। ट्रेकिङ एजेन्सीहरूले अघिल्लो वर्षभन्दा राम्रो अवस्था रहेको बताएका छन्।

तर वर्षायाममा पहिरोले बिग्रिएका पहुँचमार्ग अझै पूर्ण रूपमा मर्मत भइसकेका छैनन्। केही खण्डमा पैदल यात्रा लम्बिएको छ।

प्रदेश पर्यटन कार्यालयले सिजन सकिनुअघि मुख्य मार्ग खोल्ने प्रतिबद्धता जनाएको छ। व्यवसायीहरूले भने प्रतिबद्धता होइन, तालिका चाहिएको बताएका छन्।